每遇到唔嘅公平的對待，大家都不妨講返出嚟。
可能唔少Artist會覺得：
人地都係問下姐，回返佢地唔得或者直頭唔回佢地咪算囉，
何必「公審」人地呢？
但當大家都沉默，以「做好事」之名去剝削創作人嘅機構就會以為自己咁做係冇問題，呢種由心睇唔起創作人嘅風氣會漸漸蔓延，甚至可能一D新手創作人都會中呢D招。
所以作為提點、警剔，講出嚟對行業係有好處嘅。
(唔想炒太大獲，亦可以選擇唔開名)
昨日有單精英學生奸商搵DESIGNER笨的消息，鬧得熱烘烘。其實，我一年都遇唔少，只係無出聲。
上個月有一單，是NGO來的。佢想要我義務織一件好大好大的冷衫，由某卡通人物著完，再拎出來慈善拍賣。我問佢BUDGET大概幾多，佢好驚訝話我知佢哋係無BUDGET的，係連材料費都無。
一舊冷大概要＄50，果件巨形冷衫大概要40塊。我STUDIO月租呢，我手工呢？無，一毫子都無。然後佢幫我捐出去，而我去乞食。但榮耀是歸於佢機構。
最重要是，佢唔係義工，佢係受薪的，佢返工就係為咗剥削我呢啲小本經營。
所以，每次遇到願意給予酬勞的NGO或慈善機構，我都心存感激，因為他們明白，做好事不是剝削，而是合作一起為社會做美好的事。綠色力量的CAMMY與家計會的MAGGIE，由找我們參與活動時，都本著有BUDGET的概念去合作，從來沒有以「我是做好事你應該免費幫我」的心態來找著數，才能讓我們一邊為社會出力，一邊能賺取微利，繼續在街頭為大家編織我們喜歡的。
(文章一出很多unlike ，為什麼受害人出聲反而惹人討厭？你們都喜歡看人被剝削嗎？)
Search